I dërguari i Bashkimit Europian për dialogun Kosovë-Serbi, Miroslav Lajcak ka zhvilluar një takim ditën e sotme me grupin punues për targat e automjeteve. Lajcak ka bërë me dije se delegacionet e dy vendeve po diskutojnë në gjetjen e një konsensusi në dobi të të dyja palëve.
“Sot u mbajt në Bruksel takimi i tretë të Grupit Punues për targat e veturave. Delegacionet e ekspertëve të Kosovës dhe Serbisë u angazhuan në një diskutim të thellë.”
Lajcak është treguar optimist duke theksuar se dy vendet do të gjejnë një zgjidhje të përhershme që do të iu shërbejë qytetarëve.
“Jam i bindur qe do ta gjejnë një zgjidhje të përhershme për të mirën e qytetarëve të tyre”, ka shkruar Lajcak.
Aktualisht Kosova dhe Serbia kanë arritur një marrëveshje të përkohshme, pas krizës në veri të Kosovës me ndërmjetësimin e BE-së dhe SHBA-së, ku ëshët vendosur përdorimi i targave të përkoshme.
Discussion about this post