Federata Italiane e Futbollit ka mbyllur çështjen e zëvendësuesit të Roberto Mancinit, i larguar nga drejtimi i kombëtares së kaltër pas mosmarrëveshjeve përsa i përket stafit drejtues (versioni zyrtar).
FIGC, po bisedonte me disa teknikë, të cilët ishin në pole-position për stolin më të rëndësishëm në Apenine, por në fund zgjedhja ra te tekniku i shpallur Kampion i Serisë A me Napolin, Luciano Spalletti.
“Lucianone” ka rënë dakord me presidentin e Federatës, Gabriele Gravina, për një kontratë deri në vitin 2026, pra deri në Botërorin që do zhvillohet në SHBA, Meksikë dhe Kanada, ku Italia shpreson që të kualifikohet, pas mungesës në dy edicione rresht.
Megjithatë, fokusi është te kualifikueset për në EURO 2024, me Italinë që kërkon kualifikimin sa më parë, për në fazën finale, në mënyrë që të mbrojë titullin e fituar në vitin 2021./m.b /gijotina.com
https://www.facebook.com/fabrizioromanoherewego/posts/pfbid0dMqLAGhEKj842fuTT3bQA4S6aHvRqF64o2iV8uz1LJdrttZARnU7KqNQPnXT3dXul?__cft__[0]=AZUfwJhXizQeZn6o2Y8JG-wEYr5WAk_vK4Kl9MifRA_VjiNX2IxEURObUHYtqfDXSH80YJFNwvBkLADpxcu-9iwCAZr-Y-Rc9-M44zLd7IJPGqVEMmEPx4AbbsrQ9Wl64vNK6YK5wyAl1ZVK3D4eaODU2jeANSnU4fna5bN4xZsLijsYhjdLl–pDON98yAKzQQ&__tn__=%2CO%2CP-R
Discussion about this post