Drejtoria e Përgjithshme e Tatimeve iu ka vënë ultimatum bizneseve në vend që të marrin masa për aplikimin e fiskalizimit në të kundërt do të gjobiten. Përmes një njoftimi në faqen e saj zyrtare, Drejtoria e Përgjithshme e Tatimeve risjell në kujtesën e tatimpaguesve se duke filluar prej datës 1 janar e vitit të ardhshëm, të gjitha bizneset e fiskalizuara që lëshojnë faturë elektronike do të duhet të nisin procedurat për riaplikim për certifikatën elektronike në rast se u ka skaduar vlefshmëria e certifikates së parë.
DPT vë në dukje se me doemos secili nga bizneset duhet të pajiset me certefikatën elektronike, e cila i identifikon se janë implementuar në sistem, e cila ka afat 1- vjeçar. “Kujdes: Në bazë të Ligjit 87/2019 “Për Faturën dhe sistemin e monitorimit të qarkullimit”, i ndryshuar, vetёm tatimpaguesve tё cilёve po ju afron afati i skadimit tё këtij skedari digjital, duhet tё riaplikojnё për t’u pajisur sёrish me Certifikatën Elektronike. Administrata Tatimore kujton se ky dokument ka njё vlefshmёri 1 vjeçare, me njё kosto prej 4000 lekёsh dhe është një nga elementët e domosdoshëm pёr Fiskalizimin. Ajo është e lidhur në mënyrë unike me biznesin si entitet”, thuhet në njoftim. Sakaq, bëhet me dije se detyrimin për t’u fiskalizuar e kanë 120,000 subjekte, 90,000 prej tyre janë tatimpagues të vegjël.
Discussion about this post