Në korrik të këtij viti hyri në fuqi ligji i fiskalzimit edhe për kategorinë e fundit, për bizneset e vogla, ata që bëjnë transaksione klient-biznes. Por, duke marrë parasysh krizën që solli pandemia, shumë biznese e kundërshtuan këtë ligj, pasi nuk ishin akoma gati të implementoheshin në të. Por, thirrja e tyre nuk u dëgjua dhe qeveria nuk pranoi të shtyjë procesin. Në këtë kuadër, ditën e sotme Drejtoria e Përgjithshme e Tatimeve iu bënë thirrje bizneseve t se kanë afat deri në fund të dhjetorit për të mbyllur procesin e fiskalizimit. Ndërsa theksojnë se nga 1 janari do të fillojë edhe vënia e gjobave, për ata që nuk zbatojnë rregullat e fiskalzimit.
Kontabilistët dhe audituesit ligjorë ngrejnë shqetësimin se numri i bizneseve të fiskalizuara është shumë i ulët. Ndërkohë, ekspertët pohojnë se në këto kushte, realizimi i plotë i fiskalizimit jo vetëm që do të kërkojë kohë, por do të rrisë kostot e biznesit.
Tatimet bënë një bilanc të ecurisë së deritanishme të procesit. Nga 1 janari, numri i tatimpaguesve të fiskalizuar që kanë lëshuar fatura në total është 49,839. Nga kjo shifër, fatura nё total tё lёshuara nga biznesi i madh janë 18,081, ndërsa nga biznesi i vogёl, 31,374.
Discussion about this post