Kreu i Grupit Parlamentar të Partisë Socialiste, Taulant Balla, ka reaguar me anë të një prononcimi për mediat pas përfundimit të mbledhjes së grupit të PS-së.
Balla u shpreh se janë shqyrtuar një sërë çështjes, një ndër to ishte edhe për dekretin e Presidentit, për të cilat tha se do të rrëzohen me votë të plotë nga mazhoranca dhe do të pranohet vetëm një propozim i për anëtarët e AK.
Gjithashtu, Balla tha se PS ka vendosur të votojë kundër komisionit hetimor të PD për cështjen “Becchetti”, për shkak se e konsideron atë antikushtetues.
“Lidhur me qëndrimin tonë për ngritjen e komisioneve hetimore. Njëra prej kërkesave bie në kundërshtim me vendimin e Gjykatës Kushtetuese pasi bie ndesh me Kushtetutën dhe interesin e Shqipërisë pasi është në procese gjyqësore. Interesi më i madh është interesi i Shqipërisë.
Shqipëria duhet të vazhdojë të mbrojë interesat e saj dhe ky ka qenë një sugjerim i Avokatit të Shtetit, i cili kërkon që kjo çështje të shtyhet dhe sapo Shqipëria të ketë ecur në procesin juridik dhe më pas mund të ngremë edhe këtë komision hetimor”, tha në një prononcim për mediat kreu i Grupit Parlamentar të PS-së, Taulant Balla.
Kemi shqyrtuar propozimet për qëndrimin tonë për dekretin e presidentit, do ti rrëzojmë për çështje që lidhen me buxhetin e shtetit për vitin 2021. Do të votojmë pro një prej kandidaturave të propozuara nga Meta për anëtarët e komitetit të konkurrencës”, tha ai.
Balla tha se opozita duhet të gjejë rruga më efektive pasi ngritja e komisioneve nuk jep rezultat, por nga ana e saj PD këmbëngul se do vazhdojë deri në fund me çështjen e biznesmenit italian që përfitoi miliarda ero për gjyqin që Shqipëria humbi në Arbitrazh.
Ai tregoi se, Kryetari i Komisionit të Ekonomisë, Eduard Shalsi ka bërë një propozim për ministren Ilva Ikonomi lidhur me anëtarësinë në “Autoritetin Kombëtar të Konkurrencës” që plotësonte kushtet edhe për shkak të arsimimit edhe për shkak të eksperiencës së mëparshme.
