Këngëtarja me famë botërore, Taylor Swift, feston sot ditëlindjen. Ylli i muzikës ka lindur më 13 dhjetor të vitit 1989 në West Reading, Pensilvani. 34-vjeçarja është këngëtarja dhe kantautorja më e përfolur e momentit.
Swift ishte vetëm 11 vjeçe kur këndoi “The Star-Spangled Banner” përpara një ndeshjeje basketbolli në Philadelphia dhe një vit më vonë filloi të shkruante këngë.
Ndërkohë në vitin 2006, ylli i muzikës publikoi këngën e saj debutuese “Tim McGraw”, pastaj albumin e saj “Taylor Swift”.
Ndikimi më i madh muzikor për Swift është Shania Twain. Ndikues tjerë tek ajo kanë qenë edhe LeAnn Rimes, Tina Turner, Dolly Parton, dhe gjyshja e saj (gjyshja e saj ka qenë këngëtare profesioniste në opera).
Në dhjetor të vitit 2023, Swift u nderua si “Personi i Vitit” nga revista “Time”. Nderi erdhi menjëherë pasi platforma e transmetimit muzikor “Spotify” e konsideroi atë artisten më të dëgjuar të vitit.
Nga ana tjetër, sipas një analize të “Bloomberg”, Swift tani është një miliardere, me një pasuri neto prej rreth 1.1 miliard dollarësh. Në një listë të “Forbes” të grave më të fuqishme të vitit 2023, Swift u rendit e pesta.
Gjithashtu kujtojmë se këtë vit, Taylor realizoi edhe turin e saj botëror “Eras Rour”, i cili është konsideruar turi me i mirë dhe më fitimprurës i të gjitha kohërave.
Ndërsa nga ana personale Taylor Swift po jeton një romancë me Travis Kelce.
Discussion about this post