Shitja e klubit të Newcastle të sheikët arabë nuk është pritur aspak mirë nga klubet e tjera të Premier League, të cilët kanë kërkuar një takim urgjent javën që vjen.
Kjo shitje kishte vite që diskutohej, por që ishte refuzuar më parë edhe nga liga kryesore e futbollit anglez.
Megjithatë marrëveshja mes palëve u arrit dhe tashmë klubi anglez ka pronarët më të pasur në të gjithë botën, me një shifër që shkon plot 377 miliardë euro.
Megjithatë mungesa e komunikimit që lejohej të ndodhte apo jo i ka zemëruar 19 klubet e tjera që militojnë në Premier League.
‘The Guardian’ raporton se ata duan një takim urgjent javën e ardhshme për të diskutuar se çfarë ndryshoi për të lejuar papritur marrëveshjen dhe pse atyre nuk iu tha asgjë për këtë.
Megjithatë ky takim nuk do mund të ndryshojë gjë, pasi tashmë klubi është shitur dhe është shumë vonë.
Një miliarder i ri në fushën e blertë ka të ngjarë të nënkuptojë transferime të majme dhe paga të larta në ligë dhe padyshim që kjo do të shqetësojë disa nga klubet e këtij kampionati.
Teksa në merkaton e janarit klubi i Newcastle mund të shpenzojë plot 200 milionë paund në transferime dhe pa cënuar rregullat e Fair-play-t financiar./K.T/Gijotina.com
