Mariglen Buzalit dhe 8 të hetuarit e tjerë për tenderin abuziv, me uniformat e Policisë së Shtetit këtë të premte kanë dalë para Gjykatës së Posaçme të Apelit. Avokati i Buzalit akuzon kryetarin e Komisionit të Vlerësimit të Ofertave (KVO) Ylber Pjeternikaj , njëri nga dy punonjësit që nuk firmosi për tenderin e uniformave të policisë së shtetit.
Sipas avokatit ai duhet te merret i pandehur dhe asnjë nga ato që janë arrestuar.
Burime për abcnews.al bëjnë me dije se avokati ka thënë se Pjeternikaj a kërkuar caktimin e dy ekspertëve të fushës së tekstileve dhe pastaj pa pasur informacion në këtë fushë i ka kundërshtuar gjetjet e tyre.
Pse i kërkoi ekspertët dhe pastaj nuk i mori për bazë? Ka akuzuar avokati i Buzalit.
Ndër të tjera avokati ka pyetur sesi është e mundur që kryetari i KVO nuk ka shkruar që është kundër, por ka refuzuar firmën dhe në të njëjtën kohë njofton fituesin?
Avokati ka kërkuar që ai duhet të merret nën hetim për shpërdorim të detyrës.
Ndërkohë seanca për 9 të arrestuarit për këtë tender ka nisur që në orën 11 të kësaj të premteje dhe deri më tani janë dëgjuar katër të dyshuar.
Nga ana tjetër avokati i Flutura Çekrezit, Genc Gjokutaj nga ana e tij kërkoi hetimin e zyrtarëve të policisë ” mbasi ata e kanë dhënë urdhrin dhe kanë caktuar specifikimet” tha avokati.
Seanca vijon me dyer te mbyllura dhe ish-zyrtaret e deritanishëm teksa pretendojnë se nuk ka shkelje dhe se ish drejtoresha Edlira Naqellari sipas tyre, nuk ka kryer asnjë shkelje.
