Është zbuluar shkaku i plagosjes që ndodhi mëngjesin e sotëm në një hotel në autostradën Durrës-Tiranë. Mësohet se, Arni Sulejmani u plagos aksidentalisht nga 26-vjeçari Markeljan Beqiri në krah.
Ka qenë vetë i riu i cili në dëshminë e dhënë para oficerëve të policisë ka pohuar që bëhet fjalë për një ngjarje aksidentale. Ndonëse motivet janë të paqarta, Gijotina.com njoftoi më herët së të rinjtë kishin përdorur drogë dhe alkool.
Ngjarja u njoftua ditën e sotme, ku sipas burimeve, Markeljan Beqiri 16-vjeç ka qëlluar me pistoletë Arni Sulejmanin, 20-vjeçar, duke e plagosur në krah te pjesa e bërrylit.
Recepsionisti ka njoftuar policinë ndërkohë që në një dhomë të hotelit ka fshehur Anxhela Briskun, e cila mësohet se është transgjinore. Ka qenë vajza që ka fshehur armën pas hotelit, në pjesën e lulishtes.
Policia ka mbërritur në vendngjarje dhe e ndihmuar nga kamerat ka mundur të zbardhë ngjarjen. Autori i ngjarjes Markelian Beqiri dhe Tefik Shehu janë larguar nga vendi i ngjarjes dhe janë shpallur në kërkim, kurse vajza dhe recepsionisti janë arrestuar.
Discussion about this post