Komisioneri kundër Diskriminimit, Bashkimit Europian dhe Këshillit të Europës kanë publikuar një raport mbi nivelin e gjuhës së urrejtës në Shqipëri. Në këtë studim evidentohet se, afro 60 për qind e të anketuarve mendojnë se gjuha e urrejtjes mbizotëron masivisht në vend. Madje, një gurp i të anketuarve mendojnë se gjuha e urrejtjes është shumë e përhapur. Sipas studimit, afro 96 për qind e njohin gjuhën e urrejtjes.
Pjesa më e madhe e tyre, afro 70 për qind, pohuan se programet më të zakonshme televizive që përhapin më shpesh gjuhë të urrejtjes janë debatet politike dhe më pak shfaqjet e realitetit. Më shumë se gjysma e të anketuarve mendojnë që motivet më të zakonshme që ngacmojnë gjuhën e urrejtjes janë varfëria, statusi social, opinioni politik dhe paraqitja fizike.
Gratë janë ato që mendojnë më shumë se gjuha e urrejtjes nxitet nga paraqitja fizike, ndërsa burrat mendojnë se gjuha e urrejtjes nxitet më shumë nga opinioni politik.
Afro gjysma e të anketuarve mendojnë se etnia dhe raca janë dy motivet kryesore që nxisin gjuhën e urrejtjes. Rezultatet e studimit nxjerrin në pah se në radhët e komunitetit LGTBIQ mendojnë gjerësisht që fobia ndaj tyre është motivi më i zakonshëm që nxit gjuhën e urrejtjes.
Një tjetër formë e gjuhës së urrejtjes shihet nga studimi edhe njollosja e reputacionit të mirë të dikujt, pasuar nga nxitja e urrejtjes dhe sharjet ose fyerjet etnike. Sharjet etnike, nxitja e urrejtjes dhe shakatë për pakicat etnike përdoren më shumë si forma të gjuhës së urrejtjes, gati 70% të të anketuarve. E.H/Gijotina.com/
Discussion about this post