Gjatë javës së kaluar, janë arrestuar 28 persona për shkeljen e rregullave të qarkullimit rrugor, duke nisur nga drejtimi i automjetit nën efektin e drogave e deri tek drejtimi i makinës pa leje. Katër shoferë u prangosën, pasi i jepnin mjetit në gjendje të dehur.
Sipas policisë së Tiranës, gjatë kësaj periudhe janë pezulluar 253 leje drejtimi, ndërkohë që janë evidentuar edhe dy raste të tentativës për të korruptuar punonjësit e policisë.
Njoftimi i Policisë së Tiranës:
Kontrolle të shtuara në të gjitha akset rrugore, me qëllim rritjen e parametrave të sigurisë rrugore në kryeqytet.
Gjatë javës që lamë pas, Policia Rrugore e Tiranës goditi 2 raste të tentativës për të korruptuar punonjësit e Policisë, me qëllim shmangien e masave administrative për shkeljet e kryera.
4 shtetas janë arrestuar pasi janë kapur duke drejtuar automjetet, nën efektin e drogave.
24 shtetas janë arrestuar për drejtim automjeti, në gjendje të dehur ose pa leje drejtimi.
253 leje drejtimi janë pezulluar, për drejtim mjeti nën efektin e alkoolit, për shpejtësi tej normave të lejuara dhe për shkelje të tjera të Kodit Rrugor.
Janë bllokuar 6 automjete, për mungesë dokumentacioni apo me targa të huaja, të cilat i kanë kaluar për verifikime të mëtejshme Seksionit kundër Trafiqeve të Paligjshme në DVP Tiranë.
Discussion about this post