Komisioneri i Prokurimeve Publike ka pezulluar procedurat për 8 koncesionarë të shëndetësisë. Në një vendim të publikuar së fundmi, KPP arsyeton se ka pezulluar procedurat për këta koncesionarë duke marrë shkas nga numri i lartë i ankesave të mbërritura për to, por edhe për shkak se nga auditimet e KLSH kanë rezultuar kontratat më korruptive.
Sipas vendimit të KPP, në total janë pezulluar kontratat për 8 koncesionarë, por jepet paralajmërimi edhe për të tjerë, po në këtë sektor. Këto shoqëri të pezulluara administronin kryesisht furnizimin me barna dhe paisje të tjera mjekësorë ne spitale gjatë kohës së pandemisë.
Nga analiza e ankesave të dorëzuara pranë KPP evidentohen një sërë problematikash që këta të fundit kanë me specifikimet teknike të vendosura nga ana e QSUT për secilën nga procedurat respektive. Kështu lidhur me shtretërit duket se operatorët e cilësojnë të panevojshëm përfshirjen e kriterit të peshës mbajtëse të shtretërve që cilësohet specifikisht në intervalin 230-250 kur sipas kompanive prodhimi më i gjerë ka një peshë deri në 200 kg dhe korrigjimi i këtij specifikimi do të përfshinte më shumë kompani në garë. Sa i takon pajisjeve të frymëmarrjes edhe në këtë rast operatorët janë ankimuar për specifikime teknike që i përjashtojnë nga gara.
Sakaq, kujtojmë se në çdo vit ankesa të shumta nga qytetarë dhe nga ndërkombëtarët janë paraqitur për koncesionet në shëndetësi. Por, pavarësisht kësaj qeveria në çdo vit ka vazhduar të rrisë fondin për pagesat ndaj tyre. Më 2021 pagesat totale për koncesionet e shëndetësisë janë 4.7 miliardë lekë ose 37 milionë euro. Më i shtrenjti është sterilizimi, që pritet të marrë 1.7 miliardë lekë pagesa nga buxheti për sterilizimin e pajisjeve mjekësore gjatë ndërhyrjeve kirurgjikale.
Koncesioni i laboratorëve ka marrë 1.28 miliardë leke pagesa për 2021. Ky koncesion filloi zbatimin në mesin e këtij viti. Check- up dhe dializa do të marrin përkatësisht 876 mln lekë dhe 779 mln lekë. Nga viti 2015 deri në vitin 2021 koncesionet e shëndetësisë kanë marrë morën 16.1 miliardë lekë financime ose 131 milionë euro. Kjo shumë është sa dyfishi i nevojave për financimin e pandemisë.
E.H/ /gijotina.com/
