Formati i ri i Abissnet Superiore me modelin e “Final 4” në fund të sezonit të rregullt është komentuar shumë këto ditë duke shkaktuar debat mes grupeve të interesit si dhe tifozëve të cilët e kanë vlerësuar si dhe kritikuar duke dhënë dhe arsyet e ndryshme për opinionin e tyre.
Personaliteti më i fundit që është shprehur në lidhje me formatin e ri të kampionatit kombëtar të futbollit është dhe presidenti i Egantias së Rrogozhinës, Agim Demrozi, i cili deklaroi për median shqiptare “Panorama” se e mbështet ndryshimin që ka bërë Komiteti Ekzekutiv i FSHF-së.
“Po, jam dakord për këtë ndryshim që i është bërë formatit të kampionatit”, deklaroi shkurtimisht presidenti i Egnatias.
Klubi i tij, do të jetë ndërkohë, i impenjuar, ditën e enjte, në duelin e kthimit të turit të parë kualifikues të UEFA Europa Conference League, përballë Ararat-Armenia, duel që do të zhvillohet në “Elbasan Arena” në orën 20:00. Nëse fiton, do të jetë suksesi i parë, në kompeticionet europiane, për Egnatian.
Discussion about this post