Përmes një postimi në rrjetet sociale, presidenti i FSHF-së, Armand Duka, është ulur përballë qendërmbrojtësit të Kombëtares, Ardian Ismajli, për ta uruar për ditëlindjen e tij të 30-të. Dyshja kanë ndarë edhe një bisedë të shkurtër:
Armand Duka: “Ardian, të uroj gëzuar ditëlindjen! Ditë shumë e rëndësishme për ty dhe për ne, që vjen pas një fitoreje që arritët ndaj San Marinos. Dua të të falënderoj për kontributin që ke dhënë për Kombëtaren shqiptare.
Tani më takon të kërkoj falje kur kemi bërë ndonjë gjë që nuk të ka pëlqyer ty. Por gjithmonë e kemi bërë për të mirën e ekipit. Jam shumë i lumtur që të kemi pjesë të ekipit dhe të uroj të të kemi sa më gjatë”.
Sidomos me këtë formë që je tani, fantastike. Gjëja më kryesore është të vazhdojmë të festojmë edhe në finalet.”
Ardian Ismajli: “Shumë faleminderit për urimin, president! Është kënaqësi të jem në mesin tuaj dhe ta festoj ditëlindjen me ju.
Ashtu siç e thatë edhe ju, jemi në një rrugëtim të ri. Shpresoj të fitojmë këtë Ligë dhe pastaj të kemi mundësi të ndjekim rrugën drejt rezultateve shumë më të mira.”
Discussion about this post