Kombëtarja shqiptare ditën e sotme do të luajë ndeshjen e radhës. Pas triumfit historik me Serbinë, “djemtë” kuqezi do të zbresin në fushën e “Air Albania”.
Kundërshtari i tyre do të jetë Jordania, me ekipet që mes tyre do të luajnë një ndeshje miqësore. Sylvinho mbrëmjen e sotme pritet të aktivizojë lojtarët që kanë marrë më pak minuta ndaj Serbisë, për t’iu dhënë mundësinë edhe futbollistëve të stolit për të treguar veten.
Në historinë e dy ekipeve, vetëm 1 herë janë sfiduar mes tyre, takim miqësor dhe që ka përfunduar në barazim. Kjo përballje do të startojë në orën 19:00 dhe pritet të jetë një moment feste nga futbollistët dhe tifozët, teksa për herë të dytë ekipet do të sfidojnë njëra -tjetrën.
Për këtë përballje UEF aka caktuar edhe arbitrat që do të gjykojnë në Tiranë. Një skuadër arbitrash nga Zvicra do të vendosin drejtësi në sfidën mes Kombëtares shqiptare dhe Jordanisë.
Discussion about this post