Të hënën nis Kuvendi për 2023, zbardhet kalendari

Konferenca e Kryetarëve ka miratuar programin e punës së Kuvendit për periudhën 17 janar-25 shkurt 2023.

Ndërkohë, seanca e parë plenare për këtë vit do të mbahet më 1 janar 2023, pra ditën e hënë në drejtimin e Kryetares së Kuvendit, Lindita Nikolla.

Konferenca vendosi zhvillimin e seancave plenare më datat 16 janar 2023, 26 janar 2023 dhe 2 shkurt 2023.

Ndërsa më datën 26 janar 2023 do të zhvillohen dy seanca plenare, njëra e dedikuar përkujtimit të viktimave të Holokaustit.

Pika e fundit e rendit të ditës së mbledhjes së Konferencës së Kryetarëve ishte diskutimi për kërkesën e paraqitur nga 35 deputetë të pakicës parlamentare për ngritjen e një komisioni hetimor “Për verifikimin e ligjshmërisë së shpenzimeve të udhëtimeve me avion jashtë shtetit të Kryeministrit në detyrë, nga datat 10.09.2013 deri më datë 31.10.2022”.

Për shkak të mos arritjes së dakordësisë, në bazë të Rregullores, çështja  i kaloi për shqyrtim seancës plenare të datës 26 janar 2023.