Ish-kryeministri Sali Berisha ka deklaruar i vendosur se nuk ka ndërmend të tërhiqet nga kandidimi për kryetar të PD, pavarësisht kërkesës së grupit parlamentar të PD pas dorëheqjes së Bashës.
Berisha tha para hyrjes në Kuvend se grupi i PD po luan blofin, ndërsa e konsideroi si skandal lajmin që qarkullon në media se aktori i humorit Gaz Paja ka përfituar nga qeveria 133 mijë metra katrorë tokë në Dhërmi për investime.
“Nuk ka 2 PD. Unë po takoj dhe një proces i mrekullueshëm po ndodh në bazë. Po takoj kryetarë që deri dje kanë qenë në takimin që patën me Bashën. Anëtarësia dhe të gjithë janë me 6 marsin. Largimi im? Me blof nuk luhet, me atë luan vetëm një dyshe që kalon nga një studio në tjetër. Grupi parlamentar të mblidhet, kemi një, nuk kemi dy. Skandal ajo e Gaz Pajës, është skandal. E papranueshme! Nuk kam asgjë për dhuntitë artistike, por këto të tjera kanë lidhje me veset më të këqija të njeriut”, tha Berisha.
Discussion about this post