Ish-ministri i Drejtësisë, Ylli Manjani, në një reagim të tij, lidhur me zërat opozitarë, pas zgjedhjeve vendore të 14 Majit, se duhet të iki ky apo ai, shprehet se këto janë thirrje patetike.
“Nëse zgjedhjet i konsideroni si betejë brenda vetes, jeni në rregull ju, jo ne që harxhojmë kohë me ju.
Vazhdoni bëni thirrje patetike ‘[të iki ky’, apo ‘ai tjetri’ se në terezi e keni.
Akoma nuk e kuptoni se kjo punë nuk është me t’ikme, por me qëndresë?!”, shkruan ndër të tjera Manjani.
Postimi:
Miq opozitarë.
Teoritë që mbllaçisni me nervozitet, në media e në rrjete sociale si :
“Fajin e ka Saliu”,
“Basha na mori vulën”,
“Nuk bëhet koalicion me Metën”,
“Partia nuk është hapur” e të tjera si këto, vetëm sa u mbajnë të lidhur pas asgjësë.
Kjo tregon se ju vazhdoni të garoni me veten dhe jo me qeverinë moniste në sundim.
Nëse zgjedhjet i konsideroni si betejë brenda vetes, jeni në rregull ju, jo ne që harxhojmë kohë me ju.
Vazhdoni bëni thirrje patetike “të iki ky”, apo “ai tjetri” se në terezi e keni.
Akoma nuk e kuptoni se kjo punë nuk është me t’ikme, por me qëndresë?!
A janë shitur vota?
Po padyshim që po.
Por a e mbulon shitblerja e votës rezultatin zgjedhor?! Padyshim që jo!
Insistoj: opozita politike ka humbur njohjen dhe lidhjen me Shqipërinë. Nga pak e çdo ditë, për gati 10 vite me radhë.
Rrefuzimi për të kuptuar realitetin e largon akoma më shumë opozitën nga shqiptarët e sotëm dhe këta të fundit nga Shqipëria.
Jemi në monizëm ore, ooooooouuu!
Oooouuuuuu!
Nuk është shaka, por realitet.
Edhe analistët e monizmit e pranojnë këtë gjë, kur rreken të mbllaçisin teorinë që “fajin e ka Saliu,që Rama vendosi monizmin”…
Kush do të bëjë opozitë dhe të ofrojë alternativë, le ta bëjë. S’ka përse të jetë i lidhur detyrimisht me partitë që sot janë opozitë.
Shoqëria sot ka nevojë, si fillim, të dijë kush është në opozitë me monizmin e kush jo.
Discussion about this post