Kreu i Grupit Parlamentar të Partisë Socialiste Taulant Balla ka debatuar me deputetin demokrat Edmond Spaho në nisje të seancës së sotme plenare pas kërkesës së Spahos për ndryshimin e rendit të ditës.
Në momentin që Spaho u ngrit nga foltorja dhe kërkoi që kërkesa e tij të pranohej, Balla ndërhyri duke i përmendur ish-kryeministrin Sali Berisha.
“Të ka hyrë Saliu brenda, mbaje çik më poshtë, mos e ngri deri këtu. Mocionet me debat janë një seancë e posaçme. Për axhendë u la që seanca e të enjtes të jetë në dy pjesë, pjesa e parë është mocioni me debat, kërkuar nga një grup i opozitës, dhe seanca e parë e të njëjtës ditë do të nisë me interpelancën e kërkuar nga pala tjetër”, tha Balla.
Spaho nga ana tjetër e akuzoi Ballën se është shndërruar në një zëdhënës të ”opozitës”, duke iu referuar grupit që është në mbështetje të Lulzim Bashës, tashmë i dorëhequr.
Discussion about this post