Drejtoria e Përgjithshme e Taksave dhe e Tarifave Vendore Tiranë zhytet në luks. Për këtë ka menduar Lali Eri që i siguron komoditet punonjësve të Tatimeve, sidomos drejtorit Arli Naska. Mbi 24.8 milionë lekë do të harxhohen për “Blerje mobilje dhe orendi për zyra”.
Gara për këtë tender është hapur më datë 30 mars 2023, ndërsa fituesi është shpallur sot më 18 prill 2023. Nuk e kuptojmë se çfarë shqyrtimesh ka bërë komisioni i vlerësimit të ofertave këtë muaj, kur fituesi është shpallur pa garë fare.
Sipas dokumentit, për këtë tender ka paraqitur ofertë vetëm firma DROMEAS ALBANIA, në pronësi të Valendina Çamatit. Ajo ka foruar ta kryejë me 23 milionë lekë këtë shërbim, pra sa 90% e fondit limit.
Por, drejtori i Veliajt nuk ka parë fare nëse firma i plotëson kriteret, nuk ka parë as vlerën e lartë të ofertës, por shpejt e shpejt ka firmosur kontratën, duke shpallur fituesin në shkelje flagrante të ligjit.
Kështu 23 milionë lekë u morën nga xhepat e taksapaguesve kryeqytetas për t’i krijuar kushte drejtorit Naska
Karrige dhe tavolinë të personalizuar për shefin
Bashkia përveç se po shpenzon kaq shumë para për mobilie, por ka disa kërkesa të çuditshme për llojin dhe formën e orendive.
Ajo që na bie në sy është se kërkon tavolinë pune të personalizuar për titullarin e Tatimeve, Arli Naska. Me siguri i është mërzitur tavolina që kishte, ku ka firmosur porositë e Lali Erit. Motoja e punës së Tatimorëve të Tiranës është: mblidhja edhe qindarkën e fundit bizneseve të vogla dhe tolerancë për oligarkët e ndërtimit, se janë miqtë e Lali Erit!
Në dokumentet standarde të tenderit thuhet “Tavolinë titullari (Drejtori i Përgjithshëm), në formë “L” (1 copë”. Madje përcakton dhe ngjyrën si dhe të jetë mjaft rezistente.
Në fakt, në zyrën e shefit nuk do të jetë vetëm 1 tavolinë, por katër të tilla. Të cilat do të jenë në madhësi dhe forma të ndryshme.
Më tutje kërkohet edhe karrige e posaçme për shefin e Drejtorisë së Tatimeve. Në dokument thuhet se karrigia duhet jetë në atë formë që t’i sigurojë rehati shefit, si dhe të ketë mundësi rregullimi për mbështetjes të shtyllës kurrizore. Ndërsa shefi paska kërkuar që karrigen ta ketë në ngjyrë kafe.
Madje shefi i Tatimeve ka kërkuar edhe një minibibliotekë në zyrën e tij. Veliaj po ia plotëson dëshirën. Ndërsa për punonjësit e tjerë, do të blihen nga një karrige dhe tavolinë e përbashkët të llojit të zakonshëm. Pas këtij tenderi, në kohën e lirë në zyrë, drejtor Arli mund të zhytet në karrigen rrotulluese dhe të këndojë “Të ka Lali xhan…”
Discussion about this post