Komisioni për Inceneratorët është mbledhur sërish sot, ku përfaqësuesit e Partisë Demokratike po kërkojnë që të kallëzohen penalisht institucionet që nuk kanë kthyer përgjigje për informacionet e kërkuara për zgjedhjet e 25 prillit.
Nga 49 kërkesa për informacion që janë dërguar, vetëm 9 institucione nuk kanë kthyer. Deputeti demokrat, Luçiano Boçi kërkoi që të bëhen paditë e para, ndërsa kolegia socialiste Ermonela Felaj kundërshtoi deklaratën e Boçit.
Luçiano Boçi: I kam parë specialistët që vjedhin me specialitet. Ajo kontratë që është qepur aq mirë, ku kanë shkuar lekët?
Ermonela Felaj: Dua të them që institucionet nuk kanë pasur mundësi të dinë kush kanë qenë kërkesat tona dhe tuajat, pasi janë dërguar në emër të institucionet. Edhe ne kemi përgjigje që nuk na ka ardhur. Sot nuk duhet të diskutojmë për përgjigjet, por vetëm kanë ardhur apo jo. KLSH e ka sjellë raportin, edhe SPAK, bashkia Tiranës, QKB, etj.
Dhurata Çupi: Shkresat e para janë dërguar në 12 nëntor, ka edhe disa ditë që të bëhet muaji, nëse institucionet do të kthejnë përgjigje pa paragjykuar. Të administrojmë provat që kanë ardhur brenda afateve ligjore më pas të gjejmë forma të tjera për t’i detyruar për të dhënë përgjigje nëse nuk japin.
Luçiano Boçi: Dërgimi i një draft-projekti nuk ishte serioz, ne duam kontratën finale, se kjo ka të bëjë me formën se përmbajtjen e kemi në fazën e dytë. Mungojnë shumë përgjigje të shkresave tona. Si do i detyrojmë institucionet? Propozimi im është ti kallëzojmë penalisht. Ata mund t’i vonojnë përgjigjet. Kur do e fillojmë kallëzimin penal, tani që kanë kaluar pesë ditë nga kërkesa për përgjigjen apo në datë 12 Dhjetor, kur të bëhen 30 ditë? Se ndryshe ata do të gjejnë kleçka të tjera për të mos sjellë përgjigjet.
Edmond Spaho: Edhe durimi e ka një kufi. Këto afate janë tejkaluar të gjitha. Ajo po presim deri në mbledhjen tjetër se nuk është ndonjë qamet i madh, por duhet ushtruar trysni. Zgjidhja e fundit ngelet ndjekja penale, sa kohë që afatet janë tejkaluar.
Discussion about this post