Gjykata e Beratit vendosi sot masën e sigurisë arrest me burg për Natasha Rombula dhe Armando Kumaraku, nënë e bir. Ata akuzohen se kanë përdorur djalin 10-vjeçar të Armandos, për përfitime në TikTok.
Natasha Rombula, 67 vjeç, është një nga personazhet e njohura të TikTok.
Natasha dhe Armando dilnin live në këtë rrjet social me njerëz të tjerë dhe e mësonin 10-vjeçarin si t’i shante me fjalë të rënda dhe denigruese.
Në rrjetin TikTok, gjyshja 67-vjeçare ka shfrytëzuar nipin, për të marrë sa më shumë klikime, të cilat shndërrohen në para.
Në një video live, shihet djali 10-vjeçar me të atin, Natasha dhe disa persona të tjerë.
I mituri nuk ka reshtur së ofenduari me fjalë banale një grua tjetër, ku i ati e mësonte se çfarë t’i thoshte, ndërkohë që gjyshja e tij e shikonte dhe qeshte, raporton TCH.
Natasha është një personazh i njohur për publikun, pasi para disa vitesh historia e saj me nusen ka bërë xhiro në rrjetet sociale. Ajo u përball live në një studio televizive me ish-nusen ndërsa ziheshin për kujdestarinë e djalit.
Discussion about this post