Kryeministri Edi Rama, ka reaguar për arrestimin e ish-ministrit Lefter Koka, për çështjen e inceneratorëve. Në një postim në Facebook, Rama kërkon të shmangë qeverisjen e tij nga gjykimi popullor mbi bazën e moralit. Thelbi i reagimi të tij është se nuk ka rëndësi që shpërdorohen taksat e popullit nga ministri i korruptuar, por “vepra” që mbetet pas. Për logjikën e tij perifrazon një thënie që e përdornin bizantinët: “Të kemi manastirin, pa murgjër ka plotë”.
Rama ka zgjedhur t’i përgjigjet një komentuesi për shpallur qëndrimin e tij të zhveshur nga morali. “Ndalimit dje nga SPAKU i ish-ministrit të Mjedisit, nuk më bën asnjë përshtypje, sepse nga njëra anë investimi në Elbasan është aty, ne sytë e të gjithëve e në bazë të kontratës tanimë ai është pronë publike e bashkisë së Elbasanit që do të shërbejë për të vazhduar mbrojtjen e zonës nga ndotja, ndërsa nga ana tjetër çështja e ish-ministrit me SPAK-un dhe drejtësinë, nuk është as çështje politike, as çështje partiake, as çështje kolektive, po çështje individuale”, shprehet Rama.
Qysh kur partitë dhe qeveritë nuk mbakan përgjegjësi morale dhe politike për të korruptuarit dhe të korruptiarit që strehojnë në kabinetet e tyre?!
“Syrja Islami halle halle kjo dynja halli hallit nuk i ngja thotë populli”.
Por që t’i përgjigjem thelbit të komentit tënd, edhe impiantet moderne të përpunimit të mbetjeve, që i kanë hapur rrugën e shpëtimit afatgjatë nga ndotja e rëndë e plehrave të zonës së Elbasanit, Tiranës e Fierit gjithashtu, edhe Reforma ne Drejtësi po se po, janë vepra të shumicës sonë qeverisë për të cilat unë jam e do të jem gjithnjë krenar, kështu që euforia baltosëse e atyre që bëjnë politikë me akuza e me moton shpif e shpif se diçka do mbetet”, shkruan Rama.
Ka të drejtë Rama, përderisa Reformën në Drejtësi na e bënë me zor amerikanët. Dhe të korruptuarit na i dënon me zor duke i shpallur “non grata” Amerika, se të ishte për të, asnjërit nuk i hynte gjëmb në këmbë.
“Ne nuk e kemi udhëhequr dhe nuk e mbështesim pa kushte Reformën në Drejtesi, si palë politike, po si forcë udhëheqëse politike e morale e shqiptarëve pa dallim, kështu që për mua e për Partinë Socialiste mbetet e pandryshuar vija e kuqe e ditës së parë në detyrë: Cilidoqoftë, pa dallim partie duhet të përballet vetë me drejtësinë! Dhe cilindoqoftë ndër ne, që merret si i pandehur nga organet e pavarura të drejtësisë, duhet të ballafaqohet me drejtësinë bashkë me avokatin e vet, sepse Partia Socialiste nuk është zyre avokatie e askujt prej nesh dhe deri në vendimin përfundimtar gjyqësor, askush ndër ne që ka punë me drejtësinë nuk mund të jetë pjesë e familjes sonë politike. Kaq”.
Kjo është Partia Socialiste. Ky jam unë miku im. Të përshëndes”, shkruan Rama, i cili tashmë nuk ka shumë foto me miq, sepse ata që mbante në krah, po shkojnë në burg.
gijotina.com/
Discussion about this post