Dje, këngëtarja Shkurte Fejza mbajti koncert për nder të 50 vjetori të karrierës së saj në muzikë.
Ndër të ftuarit ishte edhe presidentja e Kosovës, Vjosa Osmani.
Ajo ka lartësuar muzikën e saj, duke thënë se “në kohët më të vështira kur synohej shfarosja jonë, ajo i dha gjithë popullit të Kosovës zë nëpërmjet këngës”.
Postimi:
Zëri i Shkurte Fejzës për gjysmë shekulli jehon cep më cep hapësirës shqiptare. “Xhamadani vija-vija” dhe “Mora fjalë”, janë himnet tona të përbotshme, të përjetësuara nga zëri magjik i të madhes sonë. Në kohët më të vështira kur synohej shfarosja jonë, ajo i dha gjithë popullit të Kosovës zë nëpërmjet këngës. U shndërrua në zërin e lirisë!
Urime për 50 vite të arta Shkurte Fejza! Të këndoftë zemra përgjithmonë!
Edhe kryeministri Albin Kurti në koncertin “50 vjet zëri i kombit” të këngëtares Shkurte Fejza mbrëmë tha se ajo e ka frymëzuar dhe ngushëlluar popullin në robëri e i ka dhënë shpresë e forcë
“Me juve Shkurte, mbarë Kosova e mori harkun e përbashkimit me notat e muzikës. Ky gjysmë shekulli i këngës suaj Shkurte është plot një shekull i gjatë i popullit tonë. Në ditët e errëta të robërisë, neve këtu dhe motrat e vëllezërit tonë të mërguar, na keni frymëzuar e ngushëlluar, na keni dhënë shpresë e forcë, që zemra kurrë mos të harroj dashninë për Kosovën dhe kombin”, u shpreh ndër të tjera ai.
Discussion about this post