Ish-trajneri i Partizanit, Sulejman Starova, ka reaguar pas humbjes së Partizanit ndaj Astanës, duke theksuar se skuadra ka shpresa që të kuqtë të kalojnë në play-off.
“Rregullimi i performancës në pjesën e dytë, krijimi i tre rasteve për gol nga Partizani, e bën shumë interesant takimin e kthimit.
Rezultati i ngushtë e bën interesant se kemi shpresa për një kualifikim e fitore që të vijë në të gjitha mënyrat.
Por kryesisht rregullimi i performancës, erdhi si reduktim në mënyrë drastike i dominimit të kundërshtarit në pjesën e parë.
Që prodhoi aksione, raste të rrezikshme. Skuadra reagoi, tregoi ndryshim me përjashtim të një rasti në pjesë të parë ku gaboi kundërshtari.
U rregullua në mënyrë drastike në pjesë të dytë. Nga hiçi, të prodhosh kështu, ndaj rriten edhe shpresat për kualifikimin”, tha Starova për “MCN”.
Discussion about this post