Gabriel Escobar, Sekretari amerikan i Shtetit për Evropën dhe Euroazinë ka pohuar se Ballkanit Perëndimor i duhen liderë politikë që janë të përkushtuar në integrimet evropiane e duhet të ishin lënë pas ngjarjet e para shumë viteve.
Ai ka pohuar se rajonit i duhen politikanë të hapur për dialog, të cilët do të merren me çështje të shekullit XXI dhe jo me probleme nga e kaluara.
“Çelësi për Ballkan Perëndimor më të fuqishëm është ai i cili krijon gjithëpërfshirje, integrim, pajtim etnik dhe jo politika nacionaliste”, tha Eskobar.
Sipas sekretarit, ende po diskutohet për çështje të viteve 1990, të cilat është dashur të zgjidhen me vullnet politik shumë kohë më parë. Nevoja është për persona të përkushtuar ndaj BE-së, por kjo gjë nuk ka ndodhur. Ka disa tendenca shqetësuese në përqendrimin e pushtetit në partitë politike dhe koncentrimin të mundësive ekonomike te njerëzit që janë të lidhur me paritë politike.
Ai tha se politika e çdo administrate amerikane, duke filluar nga ajo e ish-presidentit amerikan, Bill Clinton, ishte që të gjitha gjashtë vendet e Ballkanit Perëndimor të bëhen shpejt pjesë e BE-së dhe se rajoni do të mund të llogarisë në SHBA-në si partnere.
Emanuele Giaufret, Shefi i delegacionit të BE-së në Serbi tha se anëtarësimi i Shteteve të Ballkanit Perëndimor në BE, nuk ka alternativë. Prishtina dhe Beogradi duhet të shfrytëzojnë mundësinë për arritjen e një marrëveshje gjithëpërfshirëse.
“Rikthimi i bashkëpunimit dhe angazhimit të BE-së dhe SHBA-së për Ballkanin është shenjë e unitetit transatlantik”, tha Gaufret.
Ndër të tjera pohoi se dialogu i ndërmjetësuar nga BE është e vetmja platformë për zgjidhjen efikase të çështjes së Kosovës. Dialogu sipas tij mund të sjellë rezultat, ashtu si ai i targave në Bruksel.
