Grabitet me armë zjarri shtëpia e noterit Tomi Kaci në Sarandë. Ngjarja ka ndodhur në lagjen nr.4., ku disa persona të armatosur me kallashnikov kanë hyrë në apartamentin e noterit 63- vjeçar.
Nën kërcënimin e armës maskat kanë lidhur familjarët dhe kanë arritur të marrin 20 milion lek te vjetra dhe dy çelësa automjetesh.
Theksojmë se noteri nuk ka pësuar dëmtime dhe ndodhet në gjendje të mirë shëndetësore.
Ndërsa, shërbimet e Policisë kanë shkuar menjëherë në vendngjarje, kanë rrethuar zonën dhe vijojnë krehjen e saj, me qëllim kapjen e autorëve.
Grupi hetimor vijon punën për zbardhjen e rrethanave të ngjarjes dhe fiksimin e çdo prove materiale që do çojë në identifikimin dhe kapjen e autorëve.
