“Të mbështetet Procesi i Berlinit”, Ilir Meta: Ballkani i Hapur i shërben vetëm një vendi  

Me anë të një postimi në Twitter, kryetari i Partisë së Lirisë, Ilir Meta e cilëson Ballkanin e Hapur një nismë jo transparente që i shërben protagonizmit dhe dominimit të një vendi në dëm të vendeve të tjera në rajon. Meta shprehet se Procesi i Berlinit duhet të mbështetet nga të gjitha vendet e rajonit si rruga efektive e arritjes së objektivave të përbashkët evropianë.

“Çdo nismë jotransparente dhe përçarëse që i shërben protoganizmit dhe dominimit të një vendi në dëm të vendeve të tjera në rajon vetëm efekte negative mund të ketë. Procesi i Berlinit duhet të mbështetet nga të gjitha vendet e rajonit si rruga më efektive e arritjes së objektivave të përbashkëta europiane” – shkruan Meta.