Një grup i të mbijetuarve të Holokaustit ka lëshuar një apel të përbashkët përpara zgjedhjeve të Parlamentit Evuopian të kësaj fundjave duke u kërkuar votuesve të rinj të shkojnë në qendrat e votimit dhe të ushtrojnë të drejtën e tyre për të parandaluar të djathtën ekstreme të fitojë pushtetin.
Rreth 373 milionë qytetarë në 27 shtetet anëtare të Bashkimit Europian kanë të drejtë të votojnë nga 6 deri më 9 qershor për përbërjen e Parlamentit Europian.
Në 21 vende mund të votojnë personat e moshës 18 vjeç e lart, ndërsa në Gjermani, Belgjikë, Maltë dhe Austri mosha minimale është 16 vjeç dhe në Greqi 17 vjeç.
Pjesëmarrja në zgjedhjet europiane ka qenë gjithmonë e ulët që nga fillimi i votimit në 1979. Në zgjedhjet e fundit në 2019, 50.7% ishte një rekord i lartë. Pjesëmarrja më e ulët, më pak se 43%, ishte në vitin 2014./rel
Discussion about this post