Të mbushura me shiringa/ Banesat e braktisura në Elbasan ‘pushtohen” nga përdoruesit e drogërave

Banesat e braktisura në Elbasan janë kthyer në baza të përdoruesve të drogës.
Fenomeni i cili po ndodh në mes të qytetit, në lagjen “5 Maji”, po kthehet në shqetësim serioz për banoret, jo vetëm natën, por edhe në mes të ditës.
Banorët thonë se për shkak të përdoruesve që frekuentojnë këto ambiente të braktisura, në lagje janë shtuar edhe vjedhjet.
Edhe pse disa herë kanë shprehur shqetësimin e tyre, asgjë nuk ka ndryshuar ndërsa vendi është kthyer në burim infeksioni dhe tualet publik.