Pas takimit me ambasadorin slloven, deputetja e Partisë Demokratike Jorida Tabaku dha një prononcim për mediat. Ajo u shpreh se gjatë mbledhjes ishte diskutuar për rrugën drejt integrimit europian. Ndërsa theksoi se propozimi i qeverisë për amnistinë fiskale binde ndesh me politikat e BE. Ajo kërkoi të mos votohet.
Tabaku u shpreh se ky propozim duhej të votohej nga 84 deputetë për të hyrë në fuqi si ligj. Sipas saj, këtu do të shihej nëse opozita ishte e bashkuar, duke mos e votuar diçka që do të dëmtonte bizneset.
“Shqetësimi që kam ngritur lidhet si nga pikëpamja ekonomike si ajo e integrimit. Në një moment kur duhet të kishim frymën europiane në çdo ligj që bën, është e pamundur të nisësh diskutimet për një ligj që bie në kundërshti me frymën e BE-së. Është një barrë për bizneset e ndershme dhe për ekonominë, një barrë që Shqipëria nuk ka luksin ta ketë.
Ju e keni ndjekur që unë kam qenë e rezervuar në komentet që kam bërë lidhur me situatën brenda PD. Ajo që unë kam kërkuar është të mos votohet ligji për amnistinë fiskale, që kërkon 84 vota. Këtu opozita duhet të tregojë se është e bashkuar”– u shpreh Tabaku.
Discussion about this post