Dikur 76-vjeçari Prend Zefi komunikonte me letra, ndërsa telefonatat zanore ishin të rralla. Sot ai mban në duar një telefon që e lidh me fëmijët dhe nipërit pavarësisht distancave.
“Ja tani me gocën po flisja, me nipër, mbesa kënaqemi krejt”, tha pensionisti Prend Jake Zefi.
Por për të moshuarit përshtatja me teknologjinë nuk është gjithmonë e lehtë.
“Shkoj e mbyll ndonjëherë, padashje.”
“S’na ka mësuar njeri, po vetë mundohemi.”
“Na kanë mësuar fëmijët, sa për të folur.”
Megjithatë ka edhe nga ata që janë bërë të zotët e teknologjisë.
“Celulari është pjesë e pandashme, gjejmë miqtë tanë, argëtohemi. Gjithë bota është këtu brenda”, tha një tjetër pensionistë.
Sociologia Entela Binjaku thotë se përdorimi i teknologjisë nga të moshuarit nuk është më një luks, po domosdoshmëri.
“Grupmoshat e treta po tregohen gjithnjë e më aktivë…shumë të moshuar e përdorin në Gjuhën Shqipe..”, tha psikologia Entela Binjaku.
Por bashkë me përfitimet, teknologjia sjell edhe rreziqe.
“Ka nevojë për shumë trajnime, sesione informuese mbi këto mjedise kaq të panjohura për ta”, tha psikologia Entela Binjaku.
Të dhënat e Censit 2023 treguan se 1 në 5 individë (19,7 për qind) janë 65 vjeç e lart.
Discussion about this post