Të pafajshëm për krime kundër njerëzit, ish-krerët e UÇK-së dënohen nga gjykata e Hagës me 81 vite burg

Dhomat e Specializuara të Kosovës në Hagë kanë shpallur aktgjykimin e shkallës së parë ndaj Hashim Thaçit, Kadri Veselit, Rexhep Selimit dhe Jakup Krasniqit.

Të katër janë shpallur fajtorë për një sërë krimesh lufte dhe janë dënuar me gjithsej 81 vite burgim.

Ish-presidenti i Kosovës, Hashim Thaçi, është dënuar me 25 vite burgim, ndërsa Kadri Veseli me 18 vite burgim.

Ish-presidenti i Kosovës, Hashim Thaçi, është shpallur fajtor nga Dhomat e Specializuara në Hagë dhe është dënuar me 25 vite burgim për krime lufte. Trupi gjykues e shpalli penalisht përgjegjës për veprat për të cilat akuzohej, ndërsa vendimi i sotëm është i shkallës së parë dhe ndaj tij mund të ushtrohen mjetet juridike të parashikuara me ligj.

Dhomat e Specializuara në Hagë kanë shpallur fajtor ish-kryetarin e Kuvendit të Kosovës, Jakup Krasniqi, duke e dënuar me 25 vite burgim për disa nga akuzat e ngritura ndaj tij për krime lufte dhe krime kundër njerëzimit. Krasniqi, i cili ndodhet në paraburgim në Hagë që nga nëntori 2020 dhe gjatë procesit është deklaruar i pafajshëm, ishte pjesë e strukturave drejtuese të UÇK-së dhe gjatë luftës shërbeu si zëdhënës i saj. Procesi ndaj Krasniqit, Hashim Thaçit, Kadri Veselit dhe Rexhep Selimit nisi në prill 2023, ndërsa aktakuza përfshinte 10 pika. Vendimi është i shkallës së parë dhe mund të ankimohet.

Gjykata Speciale në Hagë ka shpallur aktgjykimin ndaj ish-drejtuesit të UÇK-së. Kadi Veseli është dënuar me 18 vite burg. Vendimi është bërë i ditur në kuadër të procesit gjyqësor ndaj ish-krerëve të UÇK-së, i cili është zhvilluar për disa vite në Hagë.

Rexhep Selimi është dënuar me 13 vjet burgim nga Dhomat e Specializuara të Kosovës në Hagë. Dënimi është bërë i ditur gjatë shpalljes së aktgjykimit ndaj ish-krerëve të Ushtrisë Çlirimtare të Kosovës.

Në fund të ditës, ky proces mbetet një njollë e zezë për drejtësinë selektive ndërkombëtare. Ndërsa projektuesit dhe ekzekutorët e vërtetë të gjenocidit në Beograd shpesh u amnistuan apo u lejuan të vdisnin pa marrë dënimin e merituar, burrat që nënshkruan pavarësinë e Kosovës dhe rreshtuan vendin krahas NATO-s u mbajtën nëpër qeli.