Gazetari Artan Hoxha po zhvillon një vizitë në Kolumbi ku ka vizituar dhe qytetin e Medellinit, ku dhe është varrosur Pablo Escobar. Në një postim në Facebook, ai ka postuar një foto nga varri i Escobar duke u shprehur se “të paktën këtij ia gjetën varrin, kurse të tjerëve nuk i dihet as nam dhe as nishan”.
Mesazhi i Hoxhës lidhet me zhdukjen e bujshme të Ervis Martinajt, për të cilin nuk ka informacion se ku ndodhet prej më shumë se një muaji.
“Mbi varrin e mbretit të kokainës, narkotrafikantit më të madh në botë, Don Pablo Escobar…(1 dhjetor 1949- 2 dhjetor 1993). Don Pablos, ja gjetëm varrin të paktën, por si t’ia bëjmë me ata të tjerët, qe nuk po u gjejnë as nam dhe as nishan…”, shkruan Hoxha në Facebook.
Më herët gazetari investigativ Artan Hoxha ka krahasuar të shumëkërkuarin Ervis Martinaj me ish-bossin kolumbian të drogës, Pablo Escobar.
Hoxha tha se të dyve këtyre personazhe u prenë krahët, pasi u vranë fillimisht të gjithë ushtarët, deri në momentin që ata u detyruan të lëviznin të vetëm.
Hoxha kujtoi se në atë kohë në Kolumbi u ngrit një njësi shumë speciale, e quajtur “Los Pepes”, e cila eliminoi të gjithë miqtë e Pablo Escobar, duke bërë që në fund ai të mbetej i vetëm.
Gjithashtu sipas Hoxhës, edhe Martinajt ja vranë të gjithë të besuarit, duke e bërë që kohët e fundit të lëvizte me taksi.
Discussion about this post