Ish-nënkryetari i LSI, Luan Rama në një intervistë për mediat ka folur për herë të parë për largimin e tij nga Lëvizja Socialiste për Integrim. Ai tha se vendimi i tij ka qenë i duhuri pas analizës objektive të kryer nga vetë ai pas zgjedhjeve të 25 prillit. Sipas tij, drejtuesi duhet të mbajë përgjegjësi për humbjen, edhe pse pohon se në Vlorë rezultati nuk ishte përgjegjësi e drejtpërdrejtë e tij.
Ai thekson se në Vlorë priste të merrte dyfishin e votave, teksa tha se dhe LSI nuk mori rezultatin e merituar në gjithë Shqipërinë për shkak të disa faktorëve. Ai gjithashtu tha se ka folur me disa kolegë, nëpërmjet mesazheve apo telefonatave.
