Deputeti i Partisë së Lirisë Petrit Vasili ka nxjerrë disa fotografi nga protesta e së shtunës në bulevardin “Dëshmorët e Kombit” në Tiranë. Ai i cilësoi pjesëmarrësit si njerëz të lirë dhe krenarë që përbuzin çdo pervers politik.
Vasili shton me ironi se të përdhunuarit nga Rama qajnë se pse nuk bëri dhunë oqeani opozitar në shesh.
“E bukur vërtet… të përdhunuarit nga Rama qajnë, ankohen bile edhe preokupohen, se pse nuk bëri dhunë oqeani opozitar në shesh.
S’kanë asnjë faj, se këta nuk njohin në jetë asnjë kënaqësi tjetër, përveçse të jetojnë ashtu të përdhunuar, të paguar, e të poshtëruar nga Rama!
Liria dhe kurajo janë fuqia e pamatë fituese e njerëzve krenarë dhe të lirë, që përbuzin dhe flakin tej çdo pervers politik me gjithë shpinëpërkulurit e përdhunuar krah tij”, shkruan Vasili.
Discussion about this post