Vetëm pak minuta më parë ka nisur seanca për vlerësimin e masës së sigurisë ndaj 9 personave të akuzuar se janë përfshirë në skandalin e inceneratorit të Fierit. Kërkesa do shqyrtohet nga gjyqtarja Irena Gjoka.
Përveç Lefter Kokës ndaj të cilit rëndon një masë sigurie për inceneratorin e Elbasanit, personat e tjerë që do dalin përpara gjykatës për tu njohur me masën janë Pëllumb Abeshi; Azem Shateri; Florjan Muçaj; Erjon Murataj; Sabina Cenameri; Etleva Kondi; ku për dy të fundit SPAK ka kërkuar arrest shtëpie.
Gjithashtu përpara gjykatës do të dalë dhe Klodian Zoto, administratori i kompanisë koncesionare, i cili aktualisht është në kërkim si dhe Arenc Myrtezani që kreu punimet për ndërtimin e inceneratorit.
Pasi të bëhet arrestimi, para gjykatës do të dalë edhe ish-deputeti socialist Aliq Bllako pasi akuzohet nga SPAK për korrupsion dhe shfrytëzimin e posteve publike, lidhur me aferën e inceneratorët të Fierit.
Discussion about this post