65 familje të pallatit nr.15, pranë tregut të vogël industrial në Durrës, të prekur nga tërmeti i 26 nëntorit, kanë dal përsëri në protestë ditën e sotme përballë Bashkisë . Ata kërkojnë nga organet kompetente që të nisin ndërtimet e shtëpive siç dhe është premtuar.
Të mbetur pa shtëpi prej tërmetit dhe pa bonus qiraje prej 1 viti, këto familje ndodhen në vështirësi të shumta ekonomike. Disa prej tyre janë gati të futen në grevë urie, për të tërhequr vëmendjen e strukturave shtetërore për t’i dhënë zgjidhje hallit të tyre.
Prej gati 5 vitesh, ata presin riforcimin e godinës me shkallë dëmi DS4. Sipas bashkisë, pallati nr.15 do të riforcohet me fondet e pushtetit vendor, por para nisjes së procedurave të tenderit, pritet marrja e aprovimit nga Komisioni Shtetëror i Rindërtimt.
Discussion about this post