Klubi i Bayern Munich është duke blinduar disa nga emrat kryesor të ekipit dhe për këtë ka rritur edhe rrogat për një pjesë prej tyre.
Së fundmi ka qenë Leon Goretzka ai që ka arritur marrëveshje me kampionët e Gjermanisë. Lojtari kërkohej shumë nga Real Madrid dhe Manchester United dhe për këtë arsye nuk po binte dakord me ofertë e bavarezëve.
Mesfushori kërkonte një rrogë më të lartë sesa i kishin ofruar te Bayern dhe deri në këto momente nuk ishte arritur akordi.
Megjithatë mediat ndërkombëtare raportuan ditën e sotme se marrëveshja u arrit dhe Goretzka do të jetë pjesë e bavarezëve deri në vitin 2025.
Ndërkohë që edhe Joshua Kimmich ka rinovuar kontratën e tij me klubin gjerman. Megjithatë Bayern ka një tjetër sfidë, atë me yllin polak Robert Lewandowski. Sulmuesi dëshiron që të krijojë eksperiencë në një kampionat tjetër, por bavarezët po ia bëjnë shumë të vështirë këtë lëvizje duke i vendosur kartonit të tij çmimin stratosferik prej më shumë se 130 milionë euro./Gijotina.com
