Të rinjtë e FRPD-së kanë organizuar këtë të enjte një protestë simbolike para SPAK, ku kanë depozitur dosjet korruptive të qeverisë së Edi Ramës dhe kryebashkiakut Erion Veliaj.
Me nga një dosje specifike në duar para SPAK, si dosja e ‘Inceneratorit të Tiranës’, ‘Inceneratorit të Elbasanit’, dosja e aferës ‘Rama-McGonigal’, dosja e ‘Tenderave Sekretë’, dosja e ‘Veliaj me Ndragetën’, dosja e ‘Patronazhistëve’, dosja e ‘AKSHIT’, të rinjtë kanë kërkuar që drejtësia të veprojë dhe të marrë në hetim personat përgjegjës për krimet që janë duke i bërë shqiptarëve.
“Ne kemi paraqitur një pjesë të mirë të dosjeve ku më kryesorja është dosja e aferën Rama-McGongial dhe i bëjmë thirrje SPAK që është bërë KAPS të mos vazhdojë të jetë vegël në dorën e një kryeministri që shkel ligjin por ti vërë gishtin kokës pasi paguhen nga taksat e shqiptarëve. Të mos kthehen në mburojë të një qeverie mafioze të inkriminuar të korruptuar. T’i kthehet qytetarëve dhe të mbajnë përgjegjësi”, u shpreh një nga të rinjtë e FRPD.
“Çështja e inceneratorëve ka arritur kulmin. Pse SPAK nuk po vepron, pse hap vetëm dosjet e peshqve të vegjël, pse Rama-Veliaj-Balla nuk po dalin para drejtësisë. Pse SPAK hesht, pse nuk është në krahun e popullit por në krahun e interesave të këtyre inceneratorëve”, tha një tjetër i ri.
Discussion about this post