Në një kohë që të rinjtë shqiptarë po largohen masivisht nga vendi duke përdorur mënyra që iu rrezikojnë madje dhe jetën, kryeministri Edi Rama duket i pashqetësuar nga këto lajme, teksa i bën thirrje të huajve të vijnë në Shqipëri.
Gjatë vizitës zyrtare në Izrael, ku është takuar me presidentin, Isaac Herzog, Rama iu bëri thirrje izraelitëve që të vijnë në Shqipëri, duke u shprehur se vendi ynë do të ishte si një shtëpi e dytë për ta pasi gjatë luftës së Dytë Botërore shumë izraelitë gjetën strehë dhe mbrojtje.
Më herët, Rama është kritikuar për deklaratat e tij ku ishte i entuziasmuar që qytetarët nga Bangladeshi vinin punonin në Shqipëri duke ndikuar në tregun e punës. Pa menduar për shqiptarët që mund të mbeten pa punë në momentin që vijnë të tjerë nga jashtë, Rama deklaronte se kjo është një gjë shumë e mirë, pasi ata nga Bangladeshi nuk dinë as shqip dhe nuk merren me politikë.
Sakaq, ndërsa shqiptarët mbushin faqet e para të mediave të huaja për emigrimin masive drejt vendeve të BE dhe përtej, kryeministrin Edi Rama duket se nuk i “hyjnë në sy” të tilla lajme, sa kohë që izraelitët, bangladesahit apo emigrantë të tjerë nga vendet e treta, dynden drejt Shqipërisë.
Discussion about this post