Pas rritjes së çmimit të bukës, së fundmi janë shtrenjtuar në treg edhe ushqimet tjera bazë. Për këtë arsye qytetarët i kërkojnë qeverisë që të rrisë ë të njëjtat ritme pensionet dhe pagat. Në një prononcim për mediet një qytetarë tregoi se këto ditë është përballur me rritje të çmimit për çdo produkt, ndërsa të ardhurat e tij si pensionist janë shumë të ulëta.
“Të gjitha janë ngritur çmimet e shportës. është ngritur mielli dhe I kanë rritur të gjitha këto tani, kur ulen çmimet si puna karburantit kur ngrihet ato thonë brusa e ngriti kaq. Ne që jemi pensionit të paktën të rriten pensionet ai thotë do ti rris por kur dhe sa sepse me 2% unë qe e kam 144 mijë lek 1 kg kastraveci marr me 2%. Ndjehet tek të gjitha vaji, orizi, sheqeri, të gjitha ushqimet. Pensionet janë po ato”, pohoi një tjetër qytetar.
Paralelisht me rritjen e çmimit të ushqimeve qytetarët ankohen edhe për rritjen e çmimit të frutave dhe perimeve.
“Me domate me spinaq, 2500 lek 1 kg spinaq. Të gjitha zarzavatet. Çfarë janë ushqimore janë ngritur. Nuk e di arsye pse. Këtu ka qeveri dhe ministri dhe nuk e dimë se kush i komandon këto”, theksoi një tjetër.
Disa ditë më parë edhe çmimi i bukës pësoi rritje në shumicën e njësive të tregtisë. Në furrat e bukës një buke kushtonte 10 deri në 20 lekë më shumë.
