Të shpallur në kërkim nga Spanja për trafik narkotikësh, arrestohen dy të rinj në Fier (Video)

Policia e Fierit ka finalizuar 2 operacione policore, të koduara “Coin” dhe “Vilanova”, për kapjen e shtetasve të shpallur në kërkim ndërkombëtar për llogari të Spanjës. Autoritet kanë bërë të ditur se në kuadër të operacionit “Coin” u kap 29-vjeçari Arbri Rrushi banues në Mbrostar Ferko, Fier.

Për të riun, Gjykata e Coin/Spanjë, me vendimin e datës 21.04.2021, ka nxjerrë urdhër arresti për veprën penale “Pjesëmarrje në grup kriminal me qëllim trafikimin e narkotikëve”.

Kurse, gjatë operacionit “Vilanova” u kap 23-vjeçari Renato Toro, banues në Fier, pasi Gjykata Penale 2 e Vilanova/Spanjë, me vendimin e datës 20.08.2021, ka nxjerrë urdhër arresti për veprimtari kriminale në fushën e narkotikëve dhe kundër shëndetit publik.

Dy të rinjtë u arrestuan provizorisht me qëllim ekstradimin e tyre drejt Spanjës.