Nga Irena Beqiraj
Prodhimi i Brendshëm bruto është vlera e tregut e të gjitha mallrave dhe shërbimeve të gatshme të prodhuara/ ofruara brenda një vendi në një vit. Duket e thjeshtë të llogaritet, por ka gjithmonë vështirësi . Një prej këtyre vështirësive është përfshirja e mallrave të paligjshëm kur llogariten PBB-ja. Sipas përkufizimit, mallrat ilegale duhet të llogariten në PBB. Por në praktikë kjo nuk ndodh , pasi është e vështirë të llogaritet vlera e tregut të mallrave të paligjshme.
A mundet INSTAT të anketonte tregtarët e drogës dhe prostitutat për çmimin e mallrave dhe shërbimeve të tyre?
Por kur një mall i paligjshëm legalizohet, INSTA-t mund të anketojë dhe vlera e tregut të mallit tanimë ligjor përfshihet në llogaritjet e PBB-në. Asgjë më shumë nuk është prodhuar por një produkt dikur i panumëruar tani numërohet .
A do të lulëzojë ekonomia ditën që do të legalizohet kanabisi ? A do të përfundojë recesioni atë ditë? A do të bëhemi të gjithë më të pasur vetëm pse vendosëm të numëronim një produkt apo një shërbim që ishte por nuk numërohej ?
Në shembull interesat vjen nga, Italia e vitit 1987 ku zyrtarët njoftuan se do të përmirësonin metodologjinë e matjes së PBB-së e cila urrit me rreth një të pestën, pasi reflektoi në numërim ekonominë informale (jo domosdoshmërisht të paligjshme). Brenda natës, Italia u bë ekonomia e pestë më e madhe në botë, duke tejkaluar Mbretërinë e Bashkuar. Pasi euforia kombëtare kaloi Italianët e quajtën atë me tallje “il sorpasso”, parakalimi.
Nëse kjo është lloji i rritjes ekonomike që po kërkojmë mund të fillojmë të mendojmë edhe për legalizmin e prostitucionit , Me përfshirjen edhe të prostitucionin, PBB-së për frymë do të ishte edhe më e lartë duke pasur një arsye më shumë për të falenderuar politikëbërsit për përmirësimin e dukshëm të standardin tonë të jetesës .
Kur KM -ja thotë do të rritet ekonomia edhe punësimi …… ka të drejtë! “Mbrekullia e numërimit po ndodh!
Discussion about this post