Të shtëna masive në një supermarket në SHBA, raportohen disa të plagosur

Shumë persona janë goditur nga të shtënat masive në Tops Markets në Jefferson Avenue në Buffalo (New York), sipas Policisë së Buffalos.

Autoritetet deklaruan se autori i ngjarjes së rëndë është është në paraburgim dhe për momentin nuk ka informacion zyrtar për gjendjen e viktimave ndërkohë drejtuesve të mjeteve u është kërkuar të shmangin zonën.

Drejtuesi i qarkut Erie, Mark Poloncarz, ka postuar në Twitter duke konfirmuar të shtënat: “Jam këshilluar për një ngjarje aktive të të shtënave të shumta në Tops Markets në Jefferson Street në Buffalo. Policia ndodhet në vendngjarje. Ju lutemi qëndroni larg zonës.”

Guvernatorja e Nju Jorkut, Kathy Hochul, shkroi në Twitter duke thënë se ajo po monitoron situatën dhe ka ofruar ndihmë për zbatimin e ligjit lokal.

“Unë po monitoroj nga afër të shtënat në një dyqan ushqimesh në Buffalo,” tha guvernatorja Hochul. “Ne kemi ofruar ndihmë për zyrtarët lokalë. Nëse jeni në Buffalo, ju lutemi shmangni zonën dhe ndiqni udhëzimet nga forcat e rendit dhe zyrtarët lokalë.”

Zyra e Sherifit të Qarkut Erie postoi këtë deklaratë në Twitter:

“Zyra e Sherifit të Qarkut Erie dëshiron të përcjellë ngushëllimet e saj për familjen dhe miqtë e të shtënave [sotme]. Sherifi Garcia ka urdhëruar të gjitha burimet dhe personelin në dispozicion për të ndihmuar @BPDAlerts.”

Foto/ Të paktën 10 të vdekur nga të shtënat masive në New York