Një përleshje mes dy grupeve u kthye në vdekjeprurëse në Florida kur nga të shtënat me armë në një rrugë në Tampa, gjatë festimeve të Halloween, dy persona humbën jetën dhe 18 persona të tjerë u shtruan në spital, në orët e para të mëngjesit të së dielës, tha policia. Një prej viktimave raportohet se është një 14 vjeçar.
Një i dyshuar është në paraburgim dhe të paktën një tjetër është në kërkim.
Të paktën dy persona hapën zjarr pak para orës 3 të mëngjesit në bllokun 1600 të East 7th Avenue në zonën e Ybor City, tha shefi i policisë së Tampa, Lee Bercaw gjatë një konference për shtyp në vendngjarje.
Përleshja ndodhi në një zonë me disa bare dhe klube dhe në atë kohë kishte një numër të madh argëtuesish natën vonë në zonë, tha Bercaw.
Zëdhënësja e policisë në Tampa, Jonee Lewis tha se “qindra” njerëz ishin në rrugë pasi shumë lokale të natës u mbyllën herët të dielën. Ajo tha se një person u arrestua, por asnjë akuzë nuk u ngrit menjëherë. “Ata po merren në pyetje”, tha Lewis.
Discussion about this post