Të shtëna me armë drejt pikës së karburantit në Fierzë

Persona ende të paidentifikuar kanë qëlluar me armë zjarri në drejtim të një pike karburanti në Fierzë.

Policia bën të ditur se nuk ka persona të lënduar, ndërsa po punon për identifikimin e autorëve.

“Më datë 07.08.2024, në Fierzë, në drejtim të pikës së karburantit dhe ambientit ndihmës, në pronësi të shtetasit Sh. D., 43 vjeç, banues në Fierzë, është qëlluar me armë zjarri, duke shkaktuar vetëm dëme materiale.

Shërbimet e Policisë, me marrjen e njoftimit, shkuan menjëherë në vendngjarje dhe vijojnë kontrollin e zonës, për kapjen e autorit/ve. Ndërkohë, Grupi hetimor në drejtimin e Prokurorisë, vijon punën për sqarimin e rrethanave dhe sigurimin e provave me qëllim dokumentimin ligjor të rastit”, njofton policia.