Gjashtë persona të cilët përbëjnë rrezik për banorët e kryeqytetit kanë rënë në prangat e policisë. Burime nga policia për gijotina.com bëjnë me dije se janë arrestuar në flagrancë për veprat penale “Armëmbajtja pa leje”, Prishja e rendit dhe qetësisë publike” dhe “Moskallëzim i krimit” e kryer në bashkëpunim të personat e identifikuar me iniciale I(Z). A, 50 vjeç, Y. H, 45 vjeç, A. Sh, 31 vjeç, E. D, 18 vjeç, M. D, 21 vjeç dhe J. K, 25 vjeç.
Sipas detajeve nga policia, arrestimi i tyre u bë pasi rreth orës 23:30, të datës 05.11.2021, ka ardhur një telefonatë në sallën operative që në Yzberisht, ka të shtëna me armë zjarri.
Shërbimet e Policisë sapo kanë mbërritur në vendngjarje kanë konstatuar të arrestuarit e lartpërmendur duke u larguar me vrap sapo kanë parë ardhjen e policisë.
Gjithashtu, gjatë tentativës për t’u larguar kanë hedhur një armë zjarri e dyshuar pistoletë, e cila dyshohet se i përket personit I(Z), A. Nën drejtimin e Prokurorisë punohet për dokumentimin e plotë të ngjarjes. A.L / gijotina.com
Discussion about this post