Dy vëllezër me mbiemrin Musai kanë përfunduar në spital, pasi janë konfiktuar me njëri-tjetrin. Ngjarja ka ndodhur në Çukas të Fier-Sheganit.
Mësohet se dy vëllezër kanë pësuar lëndime, pasi kanë goditur njëri-tjetrin me sëpatë dhe më pas edhe me armë.
Sipas burimeve, njëri nga vëllezërit mbeti i plagosur në kokë dhe ndodhet në gjendje të rëndë në spitalin e Lushnjes, ku po i nënshtrohet një operacioni.
Ngjarja ka ndodhur para pak minutash, ndërsa policia ndodhet në vendin e ngjarjes.
Deri më tani nuk dihen motivet e përplasjes fizike mes dy vëllezërve.
Megjithatë, dyshohet se dy vëllezërit janë zënë për motive pronësie.
Njoftimi i policisë
“Lushnjë/Informacion paraprak
Rreth orës 08:00, në fshatin Qukas i Vjetër, dyshohet se për shkak të konflikteve për motive pronësie, shtetasi H. M. ka goditur me mjet prerës (sopatë), vëllanë e tij, shtetasin N. M., rreth 77 vjeç, ndërsa ky i fundit ka plagosur shtetasin H. M., me armë zjarri pistoletë.
Të dy të dëmtuarit janë transportuar në spital, ku janë në kujdesin e mjekëve. Aktualisht, shtetasi H. M. është në gjendje të rëndë shëndetësore.
Shërbimet e Policisë kanë shkuar menjëherë në vendin e ngjarjes, ku kanë sekuestruar në cilësinë e provës materiale, armën e zjarrit pistoletë dhe mjetin prerës (sopatë), të përdorura gjatë konfliktit.
Grupi hetimor po punon për të dokumentuar me prova ligjore rrethanat e rastit.”, thuhet në njoftimin e policisë.
Discussion about this post