Të shtëna me armë në aeroportin e Hamburgut, anulohen 27 fluturime

Aeroporti në qytetin verior gjerman të Hamburgut u mbyll dhe fluturimet u anuluan pasi një burrë i armatosur depërtoi një portë me automjetin e tij dhe qëlloi dy herw në ajër, në atë që policia e quajti një “situatë pengmarrjeje”.

Personi i armatosur depërtoi një portë rreth orës 20:00 (19:00 GMT) të shtunën dhe hipi në platformën e aeroportit – ku aeroplanët janë parkuar, shkarkohen dhe furnizohen me karburant – tha për agjencinë e lajmeve dpa zëdhënësi i policisë federale Thomas Gerbert.

“Aktualisht ka një operacion të madh policor në aeroportin e Hamburgut,” shkroi policia e Hamburgut në X.

“Ne jemi në vend me një kontigjent të madh shërbimesh emergjente. Aktualisht po supozojmë një situatë statike pengjesh”, shtuan ata.

Policia tha se askush nuk dukej të ishte lënduar, por aeroporti njoftoi se ishte i mbyllur për ngritje dhe ulje.

“Për shkak të një mase të policisë në platformën e aeroportit të Hamburgut, nuk do të ketë ngritje dhe ulje sot, më 4 nëntor. Të gjithë pasagjerët e prekur duhet të kontaktojnë drejtpërdrejt linjën ajrore,” tha aeroporti në faqen e tij të internetit.

Një zëdhënës i aeroportit tha se 27 fluturime ishin anuluar.

Pasi qëlloi, personi hodhi dy shishe me lëndë djegëse nga automjeti, tha policia.

#BREAKING | Fire on the tarmac at Hamburg Airport, Germany. pic.twitter.com/KJc7JKq71p

— Breaking news 24/7 (@aliifil1) November 4, 2023

Zëdhënësi i policisë tha se një fëmijë ishte në makinë. E përditshmja gjermane Bild raportoi se në automjetin e tij kishte dy fëmijë.

Policia tha gjithashtu se gruaja e burrit kishte denoncuar më parë për një rrëmbim të mundshëm të fëmijëve.

Gerbert tha se një numër i madh oficerësh nga policia shtetërore dhe federale ishin në vend dhe në afërsi të automjetit.

Në tetor, autoritetet mbyllën të njëjtin aeroport për shkak të një kërcënimi sulmi në një fluturim nga Teherani në Hamburg.

JUST IN: Standoff at Germany’s Hamburg Airport after car crashes through gate, driver is armed and holding 2 children pic.twitter.com/BgqQJx1f6S

— BNO News (@BNONews) November 4, 2023